НИЙСЛЭЛИЙН ЗАСАГ ДАРГА БӨГӨӨД УЛААНБААТАР ХОТЫН ЗАХИРАГЧ Д.СУМЪАБАЗАР НЬ МБҮА ТББ-ЫН БОЛОН БАРИЛГЫН САЛБАРЫН ТӨЛӨӨЛӨЛТЭЙ ХИЙХ “ӨГЛӨӨНИЙ ЦАЙ” УУЛЗАЛТААР ӨНӨӨДӨР ХАНГАРДИ ОРДНОО БОЛЖ ӨНГӨРЛӨӨ.

Нийслэлийн Засаг дарга бөгөөд Улаанбаатар хотын Захирагч Д.Сумъяабазар барилгын салбарын төлөөлөлтэй уулзаж,  хот байгуулалтын салбарын өнөөгийн нөхцөл байдал, хэрэгжиж буй төслүүд, тэдгээрийн явц, тулгамдаж буй асуудал, бэрхшээл, гарц шийдлийг тодорхойлох, цаашид ажлын явцыг эрчимжүүлэх талаар санал солилцлоо. 

Тус уулзалтын зорилго: Нийслэлийн Засаг дарга бөгөөд Улаанбаатар хотын Захирагч Д.Сумъяабазар барилгын салбарын төлөөлөлтэй уулзалт хийж, нийслэл Улаанбаатар хотын хот байгуулалтын салбарын өнөөгийн нөхцөл байдал, хэрэгжиж буй төслүүд, тэдгээрийн явц, эрчимжүүлэх талаар санал солилцов.

Уулзалтад дараах оролцогчид оролцов.
 
Монголын барилгын үндэсний ассоциаци ТББ-ын төлөөлөл
Монголын Ипотекийн корпорац ХХК-ийн төлөөлөл
Гэр хорооллын газрыг дахин төлөвлөн барилгажуулах төслийн төсөл хэрэгжүүлэгч аж ахуйн нэгжүүдийн төлөөлөл
Ашиглалтын шаардлага хангахгүй барилгыг буулган шинээр барих төслийн төсөл хэрэгжүүлэгч аж ахуйн нэгжийн төлөөлөл
Нийслэлийн Хөрөнгө оруулалтын газартай хамтран ажилладаг аж ахуйн нэгжийн төлөөлөл
Нийслэлийн Орон сууцны корпорац ХК-ийн төсөл хэрэгжүүлэгчдийн төлөөлөл нар болно.
 
Нийслэлийн Засаг дарга бөгөөд Улаанбаатар хотын Захирагч Д.Сумъяабазар уулзалтыг нээж “Ковид-19” цар тахалд барилгын салбар хамгийн их өртсөн. Энэ цаг үед та бүхэнтэй ярилцаж, тулгарч буй асуудлыг сонсох нь нэн чухал. УИХ-д Улаанбаатар хотын хөгжлийн бодлого эрхэлсэн Түр хороог анх удаа байгуулсан. Хувийн хэвшлийн байгууллагууд хот, суурин газрыг дахин хөгжүүлэх тухай хуульд оролцох, өөрсдийн дуу хоолойгоо хүргэх хэрэгтэй. Аж ахуйн нэгжүүдэд тулгарч буй асуудлыг шийдэх үүднээс цахим системд шилжих, хууль эрх зүйн орчныг боловсронгуй болгох, төрийн хүнд суртлыг багасгах, авлига хээл хахуульгүй болгох механизмтай болохоор ажиллаж байна” гэв.

Түүнчлэн нэг жилийн хугацаанд эрх зүйн реформ хийж чадсан. Засаг захиргаа, нутаг дэвсгэрийн нэгж, түүний удирдлагын тухай хууль, Нийслэлийн эрх зүйн тухай хууль болон бусад хуульд шаардлагатай гэсэн зүйл, заалтуудыг тусгаж чадлаа. Цаашид хөгжлийн түр хороодоор дамжуулан бодлого боловсруулахад санаачилгатай ажиллана гэдгээ онцоллоо.
 
Уулзалтын үеэр аж ахуйн нэгж байгууллагуудын төлөөлөл санал сэтгэгдлээ илэрхийлэв.
 
 
 
“Бат Хэрэйд” ХХК-ийн захирал Д.Байгальмаа:
 
-НИТХ-аар ирэх жилийн төсвийн төлөвлөгөө хэлэлцэж байгаа цаг үед бидэнтэй уулзаж, санал солилцсон нь сайшаалтай. Гэр хорооллын дахин төлөвлөлт бол барилгын салбар дотроо хамгийн хүнд нь. Тиймээс гэр хорооллын дахин төлөвлөлт, инженерийн дэд бүтцийн асуудлыг Нийслэлийн Засаг дарга  анхааралдаа авч явдаг нь сайн хэрэг. Цаашид энэ уулзалтыг жишиг болгон зохион байгуулж, бидний дуу хоолой нийслэлийн төр захиргааныханд, Засаг даргад хүрэх болсонд баяртай байна гэлээ.
 
"Баганат-Өргөө" ХХК-ийн Ерөнхий захирал О.Батсайхан:
 
-Бүтээн байгуулалтыг хийж гүйцэтгэж байгаа компаниудад тулгамдсан асуудлууд маш олон байдаг. Үүний гарц, шийдлийг гаргахын тулд хэлэлцүүлэг хийлээ. Би Төлөөлөн удирдах хороо байгуулах тухай Хотын даргад санал орууллаа. Төлөөлөн удирдах хороо байгуулснаар компаниудын тулгамдаж буй асуудлыг шийдэх боломж, бололцоо бүрдэнэ гэв.
 
Хүндэтгэсэн,
МБҮА ТББ-ын Ажлын алба

Alternative text - include a link to the PDF!

НИЙТЭЛСЭН: 2021-10-28 өдөр 16:45:5 цаг