МБҮА ТББ-ын 2023.02.10-ны өдөр зохион байгуулагдсан УЗ-ийн 2023 оны Ээлжит анхдугаар хурлаар МБҮА ТББ-ын ДҮРЭМ-ийг шинэчлэх, үүний дагуу АЖЛЫН АЛБАНЫ БҮТЦИЙГ БОЛОВСРУУЛАХ зорилгын хүрээнд МБҮА ТББ-ын Тэргүүн дэд ерөнхийлөгч Б.Нэмэхбаатар-аар ахлуулсан “АЖЛЫН ХЭСЭГ”-ийн уулзалт нь 2023.03.06-ны өдөр боллоо.

Уг хуралд МБҮА ТББ-ын Тэргүүн дэд ерөнхийлөгч Б.Нэмэхбаатар, УЗГ, “Эс ди инженеринг энд констракшн” ХХК-ийн Захирал Б.Баасансүрэн, УЗГ, БХЯ-ны Барилга захиалагчийн алба ТӨААТҮГ-ын Захирал Э.Мөнхнаран, УЗГ, “Ти энд Жи” ХХК-ийн Захирал Н.Цогтоо, УЗГ, “Бодь интернэшнл” ХХК-ийн Үйл ажиллагаа эрхэлсэн захирал Г.Эрдэнэчимэг, УЗГ, “Сэрүүн” ХХК-ийн Гүйцэтгэх захирал Б.Жаргалзаяа, УЗГ, “Динамик тауэр” ХХК-ийн Захирал Ч.Эрдэнэтунгалаг, “Дархи пропертиз” ХХК-ийн Хуулийн албаны дарга Н.Чинзориг, МБҮА ТББ-ын Гүйцэтгэх захирал Л.Хулан, Ажлын албаны Салбарын бодлого хариуцсан зөвлөх Г.Лосол, Хуулийн зөвлөх Б.Сумъяажав болон бусад холбогдох хүмүүс оролцож санал солилцлоо. Уг хурлаар дараах саналууд гарч хэлэлцэгдлээ. Үүнд:

• Мэргэжлийн байгууллагуудын манлайлагч, мэргэжлийн ТББ байх үүднээс Гишүүддээ үйлчлэхээс гадна нийгэмд үйлчилдэг ТББ болох
• Байгууллагын Алсын хараа, Эрхэм зорилго,Үзэл баримтлал, Үнэ цэн, Зорилго зорилт, Үйл ажиллагааг хөгжлийн цаг үетэйгээ уялдуулан дахин тодорхойлох
• Засаглалыг ойлгомжтой болгож давхардсан эрх үүргүүдийн давхцалыг арилгах, батлаагүй бүтэц, нэгжийг болиулах, олонхын саналыг харгалзаж шийдвэрийг гаргах
• Дүрэмд нэмэлт өөрчлөлт оруулах гэж томьёолох  
• Санхүү болон үйл ажиллагааг улам шилэн, ил тод байлгах
• Албан тушаалтнуудыг хугацаатайгаар сонгох
• Сонгуульт албан тушаалтнуудыг нэрээ дэвшүүлэхдээ мөрийн хөтөлбөртэй дэвшүүлж байлгах, амлалтаа биелүүлснийг нь тайлагнуулж байх
• “Мэргэжлийн холбоодын эрх зүйн байдлын тухай” хуулийн төсөлтэй өөрийн байгууллагын дүрмийг уялдуулах
• Үйл ажиллагааны тайланд мэргэжлийн мэдээ мэдээллийг түлхүү оруулах
• Үйл ажиллагаанд ямар асуудал гарч байгааг тодорхой болгох, шалтгаан, нөхцөл нь юу байна вэ гэдгийг гаргаж ирэх
• Ажлын албаны судалгаан дээр дүгнэлт хийж дүрмээрээ зохицуулалтыг хийдэг байлгах зэрэг саналуудыг гаргаснаар 2023.03.17-ны өдрийн дотор гэхэд саналуудаа авч нэгтгэн дахин хуралдах, түүний дараа Нийт гишүүдийн хурлаар хэлэлцэн батлуулахаар тогтлоо.